Новае Палессе
Каляндар падзей Жыткаўшчыны – 2019
Рус
Eng
Бел

Прыёмная райвыканкама

Адрас райвыканкама:
247960 г. Жыткавічы,
вул. Энгельса, 3
Тэлефон / факс прыёмнай:
(8-02353) 5-00-02

E-mail: isp@zhitkovichi.gov.by

Райвыканкам
Галоўная Навіны Навіны раёна

Навіны раёна

25 чэрвеня 2019

Адзін дурны ўчынак - сто праблем

Пажары ў прыродных экасістэмах — менавіта гэтая тэма стала падставай для брыфінгу, што на мінулым тыдні сабраў у будынку райвыканкама прадстаўнікоў арганізацый раёна і СМІ.

З пачатку года на Жыткаўшчыне адбылося 20 узгаранняў, якія адносяцца да гэтай катэгорыі. Лес, тарфяныя палі — у такіх месцах часцей за ўсё здараюцца ўзгаранні. Асноўная прычына — чалавечы фактар. Статыстыка паказвае, што толькі 20% пажараў у экасістэмах прыпадаюць на долю навальнічных разрадаў, самазагарання тарфяной крошкі, сельскагаспадарчых выпальванняў. Астатняе — халатнасць і безадказнасць людзей.

— У нашым раёне з году ў год праводзяцца маштабныя прафілактычныя работы на гэты конт, задзейнічаны сілы і сродкі дваццаці пяці арганізацый, — канстатаваў старшыня раённага Савета дэпутатаў Уладзімір Кулеш, які выступіў у ролі дакладчыка. — Супрацоўнікамі розных службаў праводзяцца пастаянныя маніторынгі і рэйды на тэрыторыі ўсяго раёна, устаноўлена мноства фотапастак, месцы масавага збору людзей абсталяваны нагляднай супрацьпажарнай агітацыяй. Маштабную працу ў гэтым кірунку ажыццяўляюць ДЛГУ «Жыткавіцкі лясгас», КУП «Жыткавіцкі камунальнік», мясцовыя ДЭУ і іншыя.

Як адзначыў прадстаўнік РАНС старшы інжынер групы арганізацыі функцыянавання ДШС і ГА Валянцін Рай, ратавальнікамі за мінулы перыяд 2019-га праведзена больш за 370 гутарак у працоўных калектывах і навучальных установах. І ўсе пералічаныя метады, мяркуючы па лічбах, дзейнічаюць. У мінулым годзе выпадкаў узнікнення агню ў экасістэмах назіралася ў два разы больш.

— Вядома, службы раёна робяць усё, каб пазбегнуць агню, аднак кожны грамадзянін павінен уносіць свой уклад у агульную добрую справу. Многія пакідаюць, да прыкладу, пасля пікніка смецце ў лясах, а парой і не тушаць вогнішча, не ўсведамляючы, да якіх наступстваў можа прывесці звычайная лянота, — лічыць Валянцін Рай — Узгаранні ў экасістэмах небяспечныя хуткасцю распаўсюджвання і шырокімі плошчамі захопу. Прыродныя пажары знішчаюць лясное багацце, а ў шэрагу сітуацый падступаюць да жылых і вытворчых масіваў. Большасць выпадкаў узгарання можна прадухіліць, варта проста не забываць аб акуратнасці і памятаць, што адзін дурны ўчынак можа пазбавіць жыцця не толькі жывёл, але і людзей.

Дзіяна ЧОРНАЯ


Рэспубліканскае ўнітарнае прадпрыемства «Нацыянальны цэнтр электронных паслуг» Нацыянальны банк Рэспублікі Беларусь Нацыянальнае агенцтва інвестыцый і прыватызацыі Рэспубліка Беларусь

Інтэрнэт-рэсурсы