Новае Палессе
Рус
Eng
Бел

Прыёмная райвыканкама

Адрас райвыканкама:
247960 г. Жыткавічы,
вул. Энгельса, 3
Тэлефон / факс прыёмнай:
(8-02353) 5-00-02

E-mail: isp@zhitkovichi.gov.by

Райвыканкам
Галоўная Навіны Навіны рэспублікі

Навіны рэспублікі

5 кастрычніка 2021

Паляпшэнне якасці даставак, лічбавізацыя працэсаў: "Белпошта" прыняла новую стратэгію развіцця


5 кастрычніка, Мінск /Кар. БЕЛТА/. Намеснік генеральнага дырэктара па камерцыйнай дзейнасці РУП "Белпошта" Андрэй Важнік расказаў сёння на прэс-канферэнцыі аб прыярытэтах развіцця паштовай службы на наступную пяцігодку, перадае карэспандэнт БЕЛТА.
"Белпошта" прыняла стратэгію развіцця на 2021-2025 гады. Яна прадугледжвае паляпшэнне якасці даставак, лагістычнай сістэмы, лічбавізацыі працэсаў. Адзін з асноўных праектаў, які мы цяпер распрацоўваем, - развіццё нацыянальнай паштовай электроннай сістэмы. Таксама мы працуем над развіццём сеткі паштаматаў, над забеспячэннем паштальёнаў мабільнымі ўстройствамі для таго, каб яны маглі абслугоўваць кліента аддалена - не ў аддзяленнях паштовай сувязі, а адразу на месцы, прымаючы плацяжы, афармляючы падпіску, выплачваючы грашовыя пераводы. Усё гэта істотна палепшыць якасць абслугоўвання. Мы нацэлены на тое, каб нашы карыстальнікі, кліенты былі задаволены нашымі паслугамі", - сказаў Андрэй Важнік.
Паводле яго слоў, "Белпошта" як нацыянальны аператар паштовай сувязі краіны ўваходзіць у Сусветны паштовы саюз. "Мы ўваходзім у дваццатку лепшых паштовых службаў. Займаем 21-е месца сярод 172 дзяржаў", - адзначыў намеснік генеральнага дырэктара.
"Белпошта" складаецца з 6 філіялаў, дзе працуюць 22 тыс. супрацоўнікаў. "Гэта даволі вялікі калектыў, аб'яднаны адзінай мэтай - аказваць якасныя, своечасовыя, надзейныя паслугі пошты. Кожны дзень гэта паўмільёна пісем, некалькі дзясяткаў тысяч пасылак, некалькі соцень тысяч сродкаў масавай інфармацыі. Фактычна "Белпошта" - гэта складаны механізм, які валодае ўсімі сродкамі аўтаматызацыі і лічбавізацыі. Мы стаім на пярэднім краі развіцця сучасных тэхналогій", - падкрэсліў Андрэй Важнік.-0-

Навіны Беларусі (БЕЛТА)

Рэспубліканскае ўнітарнае прадпрыемства «Нацыянальны цэнтр электронных паслуг» Нацыянальны банк Рэспублікі Беларусь Нацыянальнае агенцтва інвестыцый і прыватызацыі Рэспубліка Беларусь

Інтэрнэт-рэсурсы