Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Жыткавіцкі раённы выканаўчы камітэт
Галоўная / Навіны / Навіны раёна
4 кастрычніка 2021

Тэмпы высокія, якасць належная. У КСУП «Коленскае» працягваецца сяўба азімых 


Вызначальнай састаўной калектыву КСУПа «Коленскае» падчас асноўных сельскагаспадарчых кампаній з’яўляюцца высокія тэмпы, якія забяспечваюць мясцовыя механізатары і спецыялісты на палетках. А ўсё таму, што адказныя ўчасткі работ даручаюць вопытным і спрактыкаваным працаўнікам.
Апраўдвае такая тактыка сябе і на сяўбе азімых зерневых культур, якая вядзецца надзвычай актыўна. Бягучай восенню коленскім земляробам неабходна пасеяць азіміну на 800 гектарах. Выканана справа на амаль шасцістах гектарах. І гэтаму няма чаго здзіўляцца. Тэхнічныя магутнасці прадпрыемства дазваляюць сеяць адразу ў двух вытворчых аддзяленнях.
Адразу за паваротам на аграгарадок Кольна, ва ўрочышчы Ля піларамы, бесперапынна рухаліся два энерганасычаныя «Беларусы» ў счэпе з глебаапрацоўчым і пасяўным агрэгатамі. За рулём кожнай машыны людзі, якія не адно дзесяцігоддзе прысвяцілі сялянскім клопатам і ведаюць цану хлебу. На сяўбе – Віктар Галавач, на падрыхтоўцы глебы – Мікалай Дамарад.
– Рыхтуем поле для сейбітаў удваіх. Я і Анатоль Пяшэвіч. Сучасныя шыроказахопныя агрэгаты дазваляюць хутка і якасна праводзіць увесь комплекс неабходных агратэхнічных прыёмаў, – распавёў механізатар.
– На гэтае поле пераехалі толькі нядаўна, – далучаецца да гутаркі і
Віктар Галавач. – Да абеду заканчвалі сеяць ля Буйкавічаў. Цяпер новы
ўчастак работы. Спадзяюся, што да вечара справімся і з ім.
Сваю ўпэўненасць у станоўчым выніку механізатар падмацоўвае важкімі аргументамі. Ёсць неабходны аб’ём насення, дастаткова і апрацаваных загонаў, ды і зямля пасля прайшоўшых ліўняў паспела да сяўбы.
– Самыя спрыяльныя ўмовы для работы, – працягвае хлебароб, за
плячыма якога не адна пасяўная. – За змену выпрацоўка складае
дваццаць і болей гектараў. Галоўнае, што тэхніка не падводзіць.
Праўда, Віктар Галавач далучыўся да сейбітаў усяго некалькі дзён
назад. А вось яго калега Аляксандр Пяшэвіч ужо заштукоўвае насенне
азімых каласавых у глебу некалькі тыдняў запар.
– Напачатку ўсё добра ладзілася, а далей задажджыла так, што давялося прыпыніцца, – падагульняе вынікі ўласнай дзейнасці Аляксандр. – Гэта здаецца, што на нашых пясчаных палетках можна ў любое надвор’е працаваць. Не, раскіслі так, што тэхніка грузла пастаянна, а пасяўны агрэгат прыходзілася чысціць ад глебы пасля кожнага праходу. Нізіны
толькі на днях засеяў, бо раней туды было не ўбіцца. Цяпер усё нармальна.
З пачатку кампаніі ўжо заштукаваў насенне ў глебу на паўтысячы гектарах, а можа і болей. няма часу на падлікі.
Марнатраўствам Пяшэвіч, як і яго паплечнікі па нялёгкай важнай справе, займацца не прывык. Даказвае свой прафесіяналізм за рулём трактара на палетках. Таму і вынікі мае адпаведныя. Выпрацоўка ў яго выходзіць за змену да трыццаці гектараў. Менавіта са штодзённых клопатаў і старання ў канчатковым выніку і атрымаўся такі ўнушальны паказчык.
Графік работы ў коленскіх аграрыяў у гэтыя дні даволі напружаны. Ужо ў восем раніцы яны на палетках, дзе плённа шчыруюць да сямі вечара з невялікім перапынкам для прыёму ежы. Дарэчы, гарачыя абеды механізатарам дастаўляюць непасрэдна на поле.
Свой уклад у паспяховую работу сейбітаў уносяць і Мікалай Юхневіч з
Аляксандрам Бандзюком, якія вызначаюцца руплівасцю і стараннасцю на ворыве. Мясцовых працаўнікоў зараз турбуе адно, каб сухое надвор’е
пратрымалася як мага даўжэй, а тэмпы і якасць работ яны забяспечаць.

Сяргей БЕЛКА

Да спіса навін