Лукашэнка падпісаў Закон "Аб змяненні кодэксаў па пытаннях адміністрацыйнай адказнасці"
14 снежня, Мінск /Кар. БЕЛТА/. Кіраўнік дзяржавы Аляксандр Лукашэнка падпісаў Закон "Аб змяненні кодэксаў па пытаннях адміністрацыйнай адказнасці". Аб гэтым БЕЛТА паведамілі ў прэс-службе беларускага лідара.
Закон накіраваны на рэалізацыю Дырэктывы Прэзідэнта Рэспублікі Беларусь ад 6 кастрычніка 2022 года нумар 10 "Аб недапушчальнасці росту цэн" і прызначаны забяспечыць абарону інтарэсаў грамадзян, а таксама пастаўку на ўнутраны спажывецкі рынак тавараў па эканамічна абгрунтаваных цэнах.
У гэтых мэтах прадугледжваецца ўстанаўленне адміністрацыйнай адказнасці за непазначэнне ў таварных дакументах звестак, звязаных з фарміраваннем цэн на спажывецкія тавары, або пазначэнне няпоўнай або недакладнай інфармацыі.
За гэтыя парушэнні будзе прымяняцца штраф у памеры да 20 базавых велічынь (Br640), а для суб'ектаў гаспадарання - да 10 працэнтаў сумы грашовай ацэнкі гаспадарчай аперацыі, адлюстраванай у таварных дакументах.-0-